Зам, тээврийн хөгжлийн дэд сайд Л.Халтар над руу болон миний гэр бүлийн хүн рүү дайрч, доромжилсон олон удаагийн гүтгэлгийг энэ хүртэл тэвчлээ.
ТВ8 телевизийн 3 дугаар сарын 3-ны өдрийн Мэдээллийн хөтөлбөрөөр Зам, тээврийн хөгжлийн дэд сайд Л.Халтар намайг болон миний гэр бүлийн хүнийг УБТЗ-ийн Тээвэр зохион байгуулалтын албаны орлогч дарга С.Батдөлийн хэрэгтэй холбогдуулан АТГ-т шалгагдаж, улмаар хэргийг прокурорт шилжүүлсэн тухай илт гүтгэлгийн шинжтэй ХУДАЛ мэдээллийг иргэн Ж.Энхбатын яриаг ишлэн олон нийтэд түгээв. Үүгээр ч зогсохгүй тус мэдээллийг zindaa.mn вэб сайт болон бусад нэр бүхий мэдээллийн хэрэгслүүд түгээж буйд харамсаж байна.
Миний хувьд Монголын төрд ажиллахдаа шударга байж, зарчимтай байхыг чухалчилдаг нь зарим хүмүүст, зарим эрх мэдэлтнүүдэд таалагдахгүй байгаад туйлын харамсалтай байна. Уг нь ямар ч ажил, албан тушаал хашиж буй хэн боловч үнэнч шударга, зарчимтай ажиллах ёстой юм. Би тэр зарчмаар ажиллаж ирсэн, цаашид ч энэ зарчимдаа тууштай байж ажилласаар байх болно.
Гүтгэлгийн шинжтэй, нэр төр, алдар хүндэд халдсан мэдээллийг олон нийтэд дахин түгээвэл хуулийн байгууллагад хандаж зохих арга хэмжээ авахаа мэдэгдэж байна.
Үнэн зөв мэдээллийг түгээж, олон нийтийг соён гэгээрүүлэх их үйлсийг тээж ажилладаг хэвлэл мэдээллийн байгууллагын ажилтнууд та бүхэн илт нэг талыг баримталсан, захиалгат мэдээллийг нөгөө талын эх сурвалжгүйгээр нийтлэхгүй байхыг хичээнгүйлэн хүсье.
Зам, тээврийн хөгжлийн дэд сайд Л.Халтар
СЭТГЭГДЭЛ