Энэ сарын 19-нд АН-ын Үндэсний бодлогын хорооны ээлжит бус хуралдаан болж намын даргаа сонгосон юм. Үндэсний бодлогын хорооны гишүүдийн 152 хүний санал авснаар АН-ын даргын сунгаанд УИХ-ын гишүүн асан Л.Гантөмөр ялалт байгуулсан юм. Ингэснээр Ардчилсан намын нэр бүхий гишүүд Л.Гантөмөрийг АН-ын даргаар бүртгүүлэх хүсэлтийг өнөөдөр Улсын Дээд шүүхэд хүргүүллээ.
Тус намын ерөнхий нарийн бичгийн дарга Ч.Өнөрбаяр "Хэн нэг хүн өөрийгөө дарга гэж бодоод хууль дүрмийн дээгүүр алхдаг байж таарахгүй. Хэн ч байсан хуульд захирагдах ёстой. УИХ дахь АН-ын бүлэг болон АН-ын Үндэсний бодлогын хороо намын ойлголцол, эвлэрлийн асуудалд нэгдэж, намын шинэ даргаа сонгосон. Шүүх хуулийг дээдэлж, хараат бусаар АН-ын асуудлыг зарчмын дагуу шийднэ гэдэгт итгэж байна" гэлээ.
Мөн УИХ-ын гишүүн Ж.Батсуурь, Үндэсний бодлогын хороо гэдэг бол манай намын ТУЗ гэсэн үг. 300 гаруй гишүүнтэй бөгөөд үүний 290 гаруй нь өнгөрсөн долоо хоногт хуралдаж, намын даргаа сонгосон. Мөн Их хурлаараа ёсчлон баталсан. Өмнө нь Дээд шүүх Үндэсний бодлогын хороо тусдаа хуралдаж байна гэсэн шалтгаанаар татгалздаг байсан. Тэгвэл энэ удаад Тийм учраас хууль эрх зүйн хувьд ямар нэгэн маргаан байхгүй. Заавал бүртгэх ёстой" гэсэн байр суурийг илэрхийллээ.
000000
СЭТГЭГДЭЛ