2019-2020 оны үйл ажиллагааны үр дүнгээр Сэлэнгэ аймаг “Монгол Улсын шилдэг аймаг”-ийн нэгээр тодорлоо. Монгол Улсын Засгийн газраас “Бодлогын баримт бичгийн хэрэгжилт болон захиргааны байгууллагын үйл ажиллагаанд хяналт-шинжилгээ, үнэлгээ хийх нийтлэг журам”-тай байдаг байна. Энэхүү журмын дагуу жил бүр нийслэл, салбарын яам болон 21 аймгийн ажлыг дүгнэж, байр эзлүүлдэг ажээ. Энэ удаагийн шалгаруулалтаар 2019-2020 оны үйл ажиллагааны үр дүнгээр Сэлэнгэ аймаг “Монгол Улсын шилдэг аймаг”-ийн нэгээр тодорчээ. Нутгийнхаа үржил шимт хөрсөнд тарьж ургуулсан тариа будаа, төмс, хүнсний ногоогоор улс эх орныхоо хэрэгцээг хангах үүргээ цар тахлын энэ хүнд хэцүү цаг үед ч Сэлэнгийн тариаланчид нэр төртэйгээр биелүүлсээр яваа. Түүгээр зогсохгүй 2019-2020 онд Сэлэнгэ аймаг Монгол Улсад анх удаа урьдчилгаа төлбөргүй, хүүгүй нөхцөлөөр 120 төрийн албан хаагчийг орон сууцтай болгож чадсан том бүтээн байгуулалтыг хийсэн. Цар тахлын хүнд цаг үеийг хамтын хичээл зүтгэлээр даван туулж, ялан дийлэхээр хичээн зүтгэж байна.