Монголын байгаль орчны Иргэний зөвлөлийн Хяналтын зөвлөлийн дарга Ж.Ганбаатар гэдэг нөхөр “Ноён уулыг ухах, уран ашиглахыг зөвшөөрсөн хэнийг ч болов Үндэсний дайсан гэж үзнэ” мэдэгдэж байв. Олон жилийн турш Дорноговь, Сүхбаатар аймагт илэрсэн ураны нөөцийг эсэргүүцэж улс төр хийж буй нөхөр. Эхэндээ уран ашиглахыг эсэргүүцэж байсан бол сүүлдээ бүхий л сэдвээр улс төрждөг, эсэргүүцдэг болжээ.

“Уран”-ы гэх тодотголтой, Гамшгийн эсрэг үндэсний төвийн тэргүүн  Ж.Ганбаатар хаанаас санхүүждэг бэ. Өөрөө болохоор гадны байгаль хамгаалах  төсөл хөтөлбөрөөр Австрали, Канадаар зугаалж явдаг гэж тайлбарладаг. Бүхнийг шүүмжилсэн хэрнээ ажилгүй, тун бийлэгжүү нөхөр яваад байгаа нь нийгэмд хардлага төрүүлдэг. Тухайлбал “Ажил төрөлгүй, эдгээр нөхдүүд шантааж хийдэг, эсвэл хөлсөөр жагсдаг” гэх. Гайхалтай нь Ж.Ганбаатарыг У.Хүрэлсүхийн хамлагийн бөмбөрчин Г.Манлайжав санхүүжүүлдэг нь тодорхой боллоо. У.Хүрэлсүхийн нэг ангийнх, найз гэдгээрээ түрий барьдаг, “Андууд” хамтлагийн бөмбөрчин,  Цөмийн энергийн комиссын дарга Г.Манлайжав гэж хэн бэ. Тун даруухан царай төрхтэй эл нөхөр  Канадын “Хан ресрурс” компанитай байгуулсан гэрээг цуцлаж Монгол Улсын Засгийн газрыг 100 сая ам.долларын өрөнд оруулсан гэж зарлуулдаг. Ураны лиценз будлиантай олгосон, цөмийн зэвсгээр хөөцөлдөгч улс орнуудын хурал цуглаанд идэвхитй оролцогч гэх Г.Манлайжав Ж.Ганбаатарын үйл ажиллагааг тууштай дэмжиж иржээ. Жил бүр 15 сая төгрөг төлөн салбараа муулуулж байсан байх юм. Ёсзүйгүй Ж.Ганбаатар “Үндэсний дайсан” Г.Манлайжавыг айлгаад мөнгө авдаг байж болох уу. Авлигал, хүнд суртал, хулгай луйвар  “жирэмсэлж”,  “уран”-ы хордлоготой, мутац хэлбэрийн хүмүүсийг бий болгоод эхлэсэн байна шүү.