Монголд албан ёсны эрхтэйгээр зохион байгуулагдаж буй "Mongolia”s Next Top Model" шоу нэвтрүүлгийн хоёрдугаар улирлын дугаар үзэгчдэд хүрч буй. Тус шоунд оролцож байсан "Монгол Модель" агентлагийн загвар өмсөгч Ч.Чамин-Эрдэнэ нас барсан хэрэг гарч нийгмийг тэр чигт нь цочирдуулсан бөгөөд тус хэрэгтэй холбогдуулан тус шоуны шүүгчид болон зохион байгуулагчид хэвлэлийн бага хурал хийж  хэргийн тухай анх удаа ам нээлээ. 

Загвар өмсөгч Энхболд: 

Би талийгаачтай маш олон зураг авалт, ажлуудыг гүйцэтгэж байсан. Бас нэг агентлагийн моделиуд гэдгийг зарим хүмүүс мэдэж байгаа байх. Тэр ч утгаараа би талийгаачийг маш сайн мэднэ. Маш гэнэн цайлган, сайхан сэтгэлтэй, хөгжилтэй, хүнд итгэмтгий, ур чадвартай, миний хувьд хайртай дүү нарын маань нэг байсан. Бодох болгонд энд зангираад маш хэцүү байгаа. Сошиалаар маш олон давлагаа явж байна. Миний хувьд энэ харамсалтай мэдээг авсан даруйдаа "Боловсрол" телевизийн захиралтай хамт, шүүгч нараа төлөөлөөд гэрт нь очсон байдаг. Миний сэтгэл их тогтворгүй байсан учир гэрт нь орж зүрхлээгүй. Тэр өдөр бид зохих төвшний байгууллагуудаар явж яаж туслах уу гэдэг тал дээр анхаарсан. Талийгаачийн ах болон ээжтэй нь үл ойлголцол үүссэн. Оролцогч хүүхдүүддээ нэг сайхан дурсамжийг бий болгож өгч, ололт амжилтынх нь үүд хаалгыг нээгээд өгчихье гэсэн хүсэл тэмүүллээр нэг хамт олон болсон. Ташаа мэдээлэлд харамсаж байна. 

Б.Болор

Эх сурвалж: Factnews.mn