Хятадын Фужиан мужийн нэгэн хүнсний компанийн захирлын ёс бус үйлдлийг “Shin Min Daily News” сонин илчилснээр олон нийтийн хүчтэй шүүмжлэлд өртөв. Тодруулбал, энэ сарын 16-ны Даваа гаригт нийтийг хамарсан томорхон арга хэмжээ болох үеэр захирал нь ажилчдадаа дарамталж, бие засах суултуур цэвэрхэн эсэхийг шалгахаар дотор нь будааны бөмбөлөг хийж, хүчээр идүүлсэн байна. Эхлээд компанийн ахлах менежер бүсгүй суултууранд дүрсэн будааг идэж, бусад ажилчдаа уриалсан гэнэ. Энэ бол ариун цэврийн өрөө нь маш цэвэрхэн гэдгийг олон нийтэд батлан харуулж буй хэрэг бөгөөд компанийн 25 жилийн уламжлал ажээ.

Бие засах суултуураас хоол идэж буй бичлэгийг харсан интернэт хэрэглэгчид дургүйцлээ илэрхийлж, компаниас юу ч худалдаж авахгүй гэдгээ илэрхийлсэн байна. Нэгэн хэрэглэгч “Заваан юмаа. Суултуур цэвэрхэн гэдгийг батлах мянган арга байхад ийм тэнэгийг сонгох гэж үү?” хэмээн бухимдлаа илэрхийлжээ. Өмнө нь Хятадын нэгэн компани ажилчдадаа суултууран дотроос ус уулгаж, шийтгэж буй бичлэг ил болсон юм.

Эх сурвалж: Asiaone.com

Ardchilal.mn