"Бээлий" хочит алдарт сагсан бөмбөгч асан Гари Пэйтоноос Майкл Жордан, Леброн Жэймс хоёрын хэн нь бүх цаг үеийн хамгийн шилдэг тоглогч вэ гэж бүү асуу. Учир нь тэрбээр "Би Уилт Чэмберлэйн, Карим Абдул-Жаббар хоёрыг бүх цаг үеийн хамгийн шилдэг сагсан бөмбөгчид гэж үздэг хүн. Уилт Чемберлэйн бол миний мэдэх хамгийн шилдэг сагсан бөмбөгч, хамгийн шилдэг тамирчин" гэж хариулах болно. 

Чэмберлэйн 1961/1962 оны улиралд нэг тоглолтод дунджаар 50,4 оноо авч дээд амжилт тогтоож байсан бол Абдул-Жаббар Үндэсний сагсан бөмбөгийн холбоонд гоолын "мангас" байсан билээ. 

Пэйтоны хэлж буйгаар, Леброн өөрийнхөө замналаар явж байгаа. Тиймээс түүнийг Жордантай эсрэгцүүлж, харьцуулах шаардлагагүй гэнэ. "Би өөр цаг үед тоглож буй тэднийг харьцуулмааргүй байна. Жэймс өөрийн эрин үед тоглож байна, Жордан ч өөрийнхөө цаг үед тоглож байсан. Та нар хоёр өөр цаг үед ноёлж байсан сагсан бөмбөгчдийг холбох гээд байна. 

Леброн тоглолт бүрээрээ өөрийгөө хамгийн шилдэг нь болгох гэж дайчилж байдаг. Харин хүмүүс түүнийг аваргын бөгжийг дөнгөж гурван удаа хүртсэн гэдэг. Майкл зургаан удаа авсан. Тэгээд юу гэж? Найм дараалж аваргын төлөөх шигшээ тоглолтод шалгарна гэдэг маш сайн үзүүлэлт юм шүү" хэмээн "Алдарын танхим"-д нэр нь багтсан тамирчин эр өгүүлжээ. 
Эх сурвалж www.wikimon.mn