“Сити” дээд сургуулийг төгссөн тэрээр найруулагч Б.Жаргалсайханы “Бид гурвын болзоо”, А.Чингүний “Намайг хайрла”, Төрийн шагналт Н.Наранбаатарын “Нүдээ аниад төсөөл” кинонд тоглож олны танил болсон.

Жүжигчин П.Шүүдэрцэцэгтэй нэр холбогдох болсон тэрээр “Гэр бүл гэдэг хүний амьдралын салшгүй чухал хэсэг. Хүн бат, тогтвортой гэр бүлтэй байж гэмээнэ ажилдаа амжилт гаргана. Нийгэмд эзлэх байр суурь, үзэл бодлоо чөлөөтэй илэрхийлэх зэрэг тэр бүх зүйлийн үндэс нь гэр бүл гэж би ойлгодог. Аз жаргалын үндэс нь гэр бүл. Би одоо л хамтын амьдрал эхлүүлэх гэж байна” хэмээжээ. Үүнээс үзвэл жүжигчин хос тун удахгүй нэг гэрт орох бололтой.

Авьяаслаг залуу жүжигчнийг хайртай бүсгүйгээ өмөөрч түүний цахим хуудсанд олон түмэнтэй ам мурийх ажилтай болсон хэмээн шүүмжлэгсэд ч бий.

УДЭТ-т хамт шалгуулж, тэнцсэн жүжигчин Б.Шинэбаяр, Б.Золжаргал нарын “Драмын 3” хамтлаг байгуулсан. Тэд тун удахгүй анхны цомгоо гаргахаар төлөвлөжээ. 

Хамгийн сүүлийн мэдээллээр дуучин жүжигчин залууст П.Шүүдэрцэцэг бэлэг өгсөн аж. 

"Хамтлагаараа зүүж ижилсээрэй гээд ийм гоё бэлэг авчирсан Шүүдрээдээ маш их баярлалаа. “Драмын 3”" гээд дараах зургийг нийтэлжээ.

У.Маргад
www.Leaders.mn