Анх 1851 онд Лондон хотноо “Бүх нийтийн аж үйлдвэрийн бүтээгдэхүүнийн их яармаг” нэртэйгээр зохион байгуулагдаж байсан олон улсын үзэсгэлэн өдгөө “Дэлхийн яармаг” болтлоо өргөжин дэвжжээ. Энэхүү дэлхийн хэмжээний үзэсгэлэн нь олон улсын худалдаа, харилцаа, аялал жуулчлал болоод урлаг, дизайны салбарын хөгжилд ихээхэн түлхэц үзүүлдэг байна.

Энэ жилийн “Дэлхийн яармаг” Казакстаны нийслэл Астана хотноо “Ирээдүйн эрчим хүч” сэдвийн дор зургадугаар сарын 10-наас есдүгээр сарын 10-ний өдрийг хүртэл зохион байгуулагдах юм. Өөрөөр хэлбэл “Нүүрс төрөгчийн давхар ислийн ялгаралыг бууруулах замаар хэрхэн аюулгүй, тогтвортой эрчим хүч гарган авах вэ?” хэмээх сэдвийн хүрээнд төрийн бус байгууллага, олон улсын компани, олон нийтийн дунд хэлэлцүүлэг явуулах аж.

Ийнхүү дэлхийн нийтийн анхаарлыг ирээдүйн эрчим хүчний асуудалд хандуулснаар түүнийг тойрсон шийдлүүдийг гаргаж ирэхийг зорьж байгаа бөгөөд үзэсгэлэн яармаг дээр эрчим хүчтэй холбоотой нийгэм, эдийн засаг, хүрээлэн буй орчны сорилтуудыг хэрхэн шийдвэрлэж болох талаар нийтэд дэлгэн үзүүлэхээр болжээ.

Орчуулсан: С.Нарангарав

Эх сурвалж: Синьхуа агентлаг