Засгийн газрын 2017 оны 02 дугаар сарын 08-ны өдрийн хуралдаанаар  Улсын аварга малчин, Улсын хошой аварга малчин, Улсын аварга саальчин, Улсын аварга фермер, Улсын тэргүүний тариаланч хамт олон, Улсын тэргүүний тариаланчдыг шалгарууллаа. Сонгинохайрхан дүүргийн 21 дүгээр хороо, Жаргалант тосгоны фермер Д.Алтангэрэл “Улсын аварга фермер” болж шагналыг УИХ-ын гишүүн Д.Сумъяабазар, Сонгинохайрхан дүүргийн Засаг дарга Ж.Сандагсүрэн болон албаны хүмүүс гардууллаа.

Нийслэлийн ИТХ – ийн  Тэргүүлэгчдийн 2017 оны 02 дугаар сарын 15-ны өдрийн 23 дугаар тогтоолоор

• 21 дүгээр хорооны фермер Н.Цэрэндаваа, Ш.Шүрэнцэцэг,
• 32-р хорооны фермер Ш.Мөнхтулга, Ц.Баттулга нарыг “Нийслэлийн Тэргүүний фермер”-ээр,
• 21 дүгээр хорооны малчин Ц.Цэдэвсүрэнг “Нийслэлийн сайн малчин”-аар,
• 25 дугаар хорооны тариаланч Ц.Сүнжидмааг “Нийслэлийн тэргүүний тариаланч”-аар тус тус шагналаа. Ажил хөдөлмөр, амжилт бүтээлээрээ тэргүүлсэн хүмүүст УИХ-ын гишүүн Д.Сумъяабазар, Сонгинохайрхан дүүргийн Засаг дарга Ж.Сандагсүрэн нар баяр хүргэж гарын бэлгээ гардуулсан байна.

Мөн Сонгинохайрхан дүүргийн Засаг дарга 26,000 ахмадад хүндэтгэл үзүүлж гарын бэлгээ гардуулан ХVII жарны “Алтан унжлагат” хэмээх Гал тахиа жилийн сар шинийн мэндийг хүргэж, улс орондоо ихийг хийж бүтээсэн азай буурлууддаа эрүүл энх, урт удаан наслахыг хүсэн ерөөлөө.